Minister Hulandes ta subraya pa islanan ABC tene cautela cu e relacion bilateral cu Venezuela

DEN HAAG – Minister Hulandes di defensa Kajsa Ollongren ta reconoce e importancia di normalisa y aumenta e relacion entre e islanan ABC y Venezuela, relaciona cu e reapertura di e frontera. Sinembargo e ta admiti e existencia di riesgo di seguridad asocia cu Venezuela. Como tal e la considera cu e relacion bilateral mester avansa ‘cu cautela’. Segun cu e portal Curacao Chronicle ta raporta, Ollongren a subraya cu mester tene na cuenta e peligeronan potencial y no subestima e ambicion y obhetivo di paisnan manera Rusia y China, ambos socios di e revolucion chavista, segun e mandatario Hulandes.  Cu e fin pa garantisa e stabildad den Caribe, e autoridad di Hulanda ta desaroya accion pa fortalese e control fronterizo y ta combati delitonan manera narcotrafico y traficacion di hende.