Jetten ta admiti: Hopi den Caribe no tin tempo pa clima pasobra tin otro problema mas importante

ORANJESTAD – Hende den Caribe no tin tempo pa atende cu clima, pasobra nan ta mucho ocupa cu otro tipo di problema. Minister Hulandes di Clima y Energia Rob Jetten a admiti cu hopi hende den Caribe sea no tin interes pa papia riba clima of no tin tempo pa esey pasobra nan ta mucho ocupa cu otro problema, manera con pa logra soluciona nan problemanan social y financiero. Di otro banda, hopi di e problemanan ta netament debi na clima. Manera piscadornan cu tin problema pa pisca y esaki ta debi na e temperatura di awa cu ta afecta e negoshi di piscamento. E mandatario a splica esaki den e programa Noticiacla LIVE diabierna mainta cu periodista Tito Laclé.