BZK: E cantidad cu Aruba kier ‘spaar’ na 2023 ainda no ta suficiente!

DEN HAAG – E cantidad di placa cu gobierno Aruba a bisa di lo kier ‘spaar’ segun e presupuesto pa 2023 di pais Aruba  di 51 miyon florin (envez di 60 miyon den cuido:red), no ta suficiente . “Aunke cu riba papel esey ta mas cu nan a realisa (di spaar: red) den e ultimo dos añanan, e no ta suficiente!”. Asina e ministerio di Binnenlandse Zaken Hulandes (BZK) cu ta cay pa responsabilidad di secretario di estado Hulandes Alexandra van Huffelen, a informa na Noticiacla.com e siman aki como reaccion parcial riba e hecho cu Aruba unilateralmente a para e recorte di 5.5% riba cuido. Aruba mester a spaar 60 miyon pa aña pero a spaar ‘solamente’ 40 pa aña na 2021 y 2022, segun e ministerio.”Aruba mes  por a dicidi cua medida pa tuma (y riba kico) pa logra e recorte di 60 miyon pa aña cu a acorda pa a haya fiansa di Hulanda na 2020. Aruba a scohe aki entre otro pa haci un recorte riba tarifa di e dunadonan di cuido (5.5%:red)”. BZK ta recorda cu como tal , Aruba no a logra realisa e recorte total acorda. “Riba esaki e colegio di supervision financiero (CAFt) y tambe Conseho di Minister di Reino repetidamente  a atende Aruba ariba. 

REFORMA

“Ta di importancia cu Aruba ta sigui traha riba reforma y recorte di e presupuesto di cuido y nan mester bin cu proposicion di con nan kier logra esaki”. Segun e ministerio, ta importante pa Aruba keda cu suficiente placa pa otro asuntonan importante manera enseñansa y vivienda. Pesey mester corta den otro gasto. A recorda Aruba cu e la haci palabracion cu Hulanda pa medio di un landspakket riba e tema aki. “Y CAFT for di su responsabilidad, lo monitoria e consecuencia di e decisionan recien haci pa Aruba, y informa RMR na e momento cu Aruba no cumpli adecuadamente cu su palabracion y conscuentemente faya cu e palabracion haci cu RMR”.