Dia di Rey dedica na Sr. John Merryweather

ORANJESTAD - Pa di tres anja consecutivo comishon infantil di RCA ta organisa Copa John Merryweather, e anja aki representando tur ekipo cu ta participa na Copa America. Den categoria Mini Mini combina cu Mini Baby e gran final tawata Brazil vs Argentina y convincentemente Brazil ta titula Kampeon. Den categoria Babie y Lifida A ta Uruguay y Argentina ta bai final y aki nan si Argentina ta sali victorioso den un wega super emoshonante cu score 2 pa 1. Sr. John Merryweather a pasa full su dia den Arena y na final a ricibi un medalla di gratitud for di Presidente Ditto Acosta. E ambiente tawata magistral cu bon musica y Sjurendi Granviel narando e wega nan cu tremendo animo. Gehaira Croes tawata e motor tras di e evento cu sigur tawata otro super exito tricolor. Un torneo riba yerba artificial na Solito. Keda pendiente pa mas evento y apertura oficial di e Mini Cancha cosechando Talento Tricolor.