Aruba celebrando fiesta real completo cu bandera y wimpel

ORANJESTAD – Awe riba Aña di Rey, hopi establecimento, oficina di gobierno y casnan priva a duna honor na e celebracion di S.M. Rey Willem Alexander su cumpleaños awe. No ta kita afo cu un notificacion oficial a bay na nomber di gobierno, pa cumpli cu e peticion pa subi e bandera hulandes, y hunto cune e acostumbrado ‘wimpel’ oraño, na honor di e dia Real aki. Mayoria oficina a coopera y duna oido na e peticion aki, mientras cu otronan no a haci esaki. Notable tabata e cantidad grandi di casnan priva cu a cumpli cu esaki, completo cu wimpel y bandera. Tambe lugarnan comercial manera e.o. Seaport Marketplace a decora su entrada cu balon na e colornan real. Algun vitrina di negoshinan tambe a dorna esaki cu sea bandera hulandes of simplemente usando e colornan real. Sinembargo na Sta Cruz, un establecimento, Mc Donalds, no a busca drechi y a pone e bandera hulandes cabes abou. Tira un bista fotografico riba algun di e situacionnan encontra den curso di dia awe.