Riba prome dia di re-start di AruParking a nota cu lugarnan di parkeer a cuminsa habri atrobe

ORANJESTAD – Diamars mainta esnan cu a trafica den centro di Oranjestad por a mira un cambio basta grandi pa loke ta parkeo. Si tur sitio di parkeer tabata colma cu auto na cierto ora di dia, esaki tabata diferente diamars mainta. Varios espacio di parkeer unda cu antes no por a haya esaki, tabata visible. Esaki ta debi cu AruParking a cuminsa opera atrobe. Esey ta nifica tambe cu hendenan a cuminsa tene cuenta cu nan mester tene ‘cuidao’ unda ta parkeer pa nan no haya multa manera antes. Lugarnan manera dilanti di Bestuurskantoor, y otro areanan den cercania, tabatin basta lugar di parkeer, na orarionan cu normalmente no por a haya un solo lugar. A nota cu e cambionan tabata visible, unda cu por a mira claramento cu borchinan tabata indica areanan specifica pa medio di un letter y un color, cu ta pa un cierto grupo di chauffeur. Tambe lugarnan claramente marca pa esnan handicap of cu un of otro reto. Y finalmente, a cambia tur e numeracion di e espacionan pa cuadra cu e sistema nobo. Awor por spera cu tin mas lugar di parkeer, y cu hendenan lo tin cu cuminsa pensa dos biaha si nan kier bin parkeer, y of no haya multa si nan parkeer sin tene cuenta.