Muchila Creativo a participa na e Opendag di Mariniers Kazerne

SAVANETA - Muchila Creativo a colabora na e Opendag di Mariniers Kazerne e aña aki na unda a bende diferente obranan di man, carchi y pinturanan cu e studiantenan di e scol special mes a crea. Ademas algun studiante a toca riba drum y a demonstra nan talentonan musical na e publico presente. E publico a keda encanta y asombra tur loke e studianten a crea y a ofrece. Por menciona cu e dia tawata un exito. Muchila Creativo ta gradici tur esnan cu a coopera na un of otro forma.

KICO TA MUCHILA CREATIVO

Muchila Creativo ta un fundacion di Arte cu a caba di cumpli 20 aña di exsistencia. Muchila Creativo ta traha riba tereno social, cultural, educativo, artistico y terapeutico. Muchila Creativo ta pa desaroya y promove Arte y Cultura ampliamente den comunidad Arubano. Nan ta sostene e mucha, hoben y adulto den nan creatividad riba tereno di musica, baile, arte visual, teatro, literatura y multimedia.Tres aña pasa Muchila Creativo a inicia un scol secundario pa hobennan cu desabilidad, manera autismo, down syndrone y disabilidad visual y oido.