Expo Beauty & Health 2015 awe y mayan

(Advertorial) 

ORANJESTAD- Multi Media International ta organiza Expo Beauty & Health awe y mayan na Renaissance Convention Center. Pa diferente productonan di salud, beyesa, fitness, baha peso, come saludabel, tip pa makiyahe y moda pasa bishita Expo Beauty & Health. Descubri formanan con pa resalta e beyesa femenino y masculino den tur aspecto.

Diabierna dia 24 di April Minister Arthur Dowers a habri e Expo cu un fabuloso evento di Red Carpet. Entrada pa e anochi aki lo ta 100 Florin pa pareha incluyendo 2 welcome drink. Ademas lo tin e oportunidad pa gana AWG 500,- na gift certificates. Entre 5’or di atardi pa 10’or di anochi bo por tin e previlegio di ta entre e prome nan pa wak tur loke e expositornan ta bin cun’e.

Awe y mayan Expo Beauty & Health lo habri su portanan pa publico for di 12’or di merdia pa 8’or di anochi. Ambos dia lo ta yena di sorpresa, presentacion y promocion special pa comparti cu tur e bishitantenan. Entrada ta solamente AWG 7,50 cu chens di gana AWG 500,- na gift certificates.

Tur loke bo mester sa pa mustra y sinti bon lo ta bou di un solo dak durante tres dia di Expo Beauty & Health. Beyesa y salud ta un tema diario den nos bida. Sea cu e aspecto fisico of e bienestar mental y spiritual ta primordial pa bo, Expo Beauty & Health 2015 ta un bishita recomenda.

Organizacion, expertonan y marcanan renombra lo ta banda di otro pa asina comparti nan informacion y productonan pa haci bo cuido di paden y di pafo, un proceso hopi mas facil y satisfactorio.

Pa motibo di seguridad no ta permiti pa huma, tampoco no ta permiti stroller ni animal domestico den Renaissance Convention Center.

Registra riba nos website www.ExpoAruba.com pa asina ricibi bo entrada pa dia 25 y 26 di April pa solamente AWG 5,-. Bishita www.facebook.com/ExpoBeauty, Like y/o comparti bo opinion. Esaki ta dunabo e oportunidad pa gana un VIP RED CARPET TICKET pa dos persona. Ganadornan lo wordo anuncia via nos pagina di facebook.