Aruba a habri frontera maritimo cu Venezuela atrobe awe

ORANJESTAD/CARACAS – Despues di un interupcion di 4 aña, oficialmente (awe) 1 di mei, Aruba por ricibi trafico maritimo atrobe for di Venezuela. E diferencia ta cu e proceso ta uno mucho mas controla aworaki, unda cu prome cu un embarcacion yega Aruba, autoridad di e isla ta na altura exactamente ken ta bin, kico ta bin y con tur esaki ta hinca den otro. Ademas, esnan cu ta bin Aruba, no ta permiti pa keda Aruba y mester keda na waf pa nan bolbe Venezuela, despues di descarga nan carga. Noticiacla a publica un lista largo di rekisito cu barkitonan di Venezuela mester cumpli cu ne. E intencion ta pa awor cuminsa traha pa habri trafico aereo tambe entre e dos paisnan. Corsou ya caba a habri e frontera pa trafico aereo y maritimo mientras cu Bonaire a haci mescos, pero solamente pa esun maritimo.