Diez ciudadano arubano a ricibi condecoracion Real awe

ORANJESTAD – Su Mahestad Rey Willem-Alexander a otorga pa medio di un KB fecha 29 di januari 2015 nr. 2015000157 e siguiente 10 personanan un Condecoracion Real. S.E. Gobernador F.J. Refunjol a haci entrega di condecoracion durante un ceremonia festivo na Radisson hotel. Ridder in de Orde van Oranje-Nassau: sr. G.E. Ho Asjoe di 60 aña a ricibi e condecoracion aki pa su aporte na deporte di landamento. E ta miembro activo di Stichting Schoolzwemmen, Arubaanse Zwembond y Aruba Sport Unie. Tambe desde 2001 e ta yuda organisa e Weganan di Reino. Banda di esaki e ta miembro di directiva di Fundacion Pro Famia Feliz.Lid in de Orde van Oranje-Nassau ta e siguiente personanan: Sr. D.L Boekhoudt di 73 aña kende pa su 31 aña haciendo trabounan boluntario pa entre otro FAVI, Kinderpostzegelactie, comision di mayornan di Maria Gorettischool y tambe activo den misa Catolico. Hopi ta esnan cu sa bati na su porta pa ayudo cu trabounan administrativo y trabounan chikito.Sra. L.O. Yarzagaray-Danje di 53 aña pa su trabounan boluntario cu Aruba Jongens en Meisjesgilde van Aruba. E mes tawata miembro di e ‘meisjesgilde di hoben. E ta yuda den Iglesia Cristo Rey na Brazil como ‘Usher’ y ta 26 aña largo miembro di directiva di Stichting Kinderdagverblijf Te Aworo. Banda di esaki ainda e ta eherciendo su trabou diario como HR manager.Sr. De Sousa Fernandes Perna di 61 aña, pa su trabounan como miembro di directiva di varios organisacionnan. Entre otro: Grupo Teatral Arubano, na Hulanda e e comision pa ricibi studiantenan Antiano na Groningen ‘Brigamosa’, el duna curso na Wit Gele Kruis, tawata miembro activo pa educacion pa adulto, Fundacion Anto Droga Aruba, Comision Nacional pa Aids Aruba. El ricibi ‘Best Teacher Award’ di Kiwanis Aruba, y e tawata pa 10 aña largo Consul Honorario di Portugal na Aruba. Tambe representante nombra di gobierno pa AZV.Sr. R.F. Fingal di 75 aña pa su trabounan boluntario pa Club Kibrahacha, e ta duna les Dance Fit pa 60 +, Chi-cu-Cha y sa funciona como maestro di ceremonia y chauffeur. El a skirbi dos buki. Uno di e Faro di Westpunt y otro pa AZV tocante tratamento di cancer di prostaat.Sr. G.D. Franca di 63 aña pa su trabou pa añanan largo como miembro di comision di mayor di Racing Club Aruba (R.C.A. pa entre otro muchanan den Liga Infantil di Futbol di Aruba. Tambe e tabata miembro di directiva di Aruba Softball Bond y representante di Softball na Aruba Sport Unie y awendia e ta Secretario di Fundacion Arubano pa Maneho di Facilidadnan Deportivo. E tin bou di su encargo cuido y maneho di e piscina olimpico di Savaneta y piscina di San Nicolas. Como miembro di maneho di Stichting Rancho e ta boga pa conserva e cultura propio di e luga unda e la nace, su bario Rancho. E la skirbi dos buki pa mucha cu UNOCA a publica“E storia di Carlito y e tapadera”y “Carlito ta bai keiro” ..Sra M.R. Kelly di 52 aña pa su trabounan como boluntario pa hobennan. E ta haci nan consciente di tradicion y folklore di Aruba. E ta organisa den vakantie di scol campamento pa muchanan cu nos tin e posibilidad pa bay cu vakantie.. Como director di “Rosea Cultural” e ta stimula gruponan di teatro pa adulto. Desde 2005 tambe e ta lider di e Beverkolonie di Grupo Scout San Dominico. E ta un persona cu un gana grandi pa studia y tin ademas di su educacion como docente Pedagogico Arubano tambe a logra su MO pedagogiekSr. J.D.B.A.A.E. Leysner, di 63 aña pa su trabou boluntario como consehero di maneho di Crus Cora Hulandes na Aruba.. Durante e daño grandi cu Horcan Ivan a causa. El a duna apoyo na un proyecto y tambe a forma e grupo di trabou cu via un teleton/radioton a crea un fondo. Ademas di su trabounan pa su propio oficina di accountant e la traha como boluntario na e competencianan di botonan di bela internacional “High Wind”. E tambe ta medio fundado di “Ärtousa Foundation” cu e fondonan cu a resta e la traspasa pa “Aruba Scholar Foundation” unda mescos cu pa diferente otro organisacion e ta haci administracion financiero na un forma gratis.Sr. A.E. Thomas di 76 aña pa su actividadnan y logronan pa añanan largo den deporte di esgrima (schermen). Danki na su esfuerso a mantene e deporte di esgrima na Aruba. Ya pa 50 aña caba e ta boga pa deporte di esgrima. E la logra diferente premio pa Aruba, entre otro na 1970 na Caracas, Venezuela y na 1981 na Guadaloupe e la gana medaya di oro. Na 1997 durante Mundial di Esgrima pa veterano na Zuid Africa cu edad di 58 aña e la logra di 10 luga. Coronacion di su carera di esgrima ta su participacion na 1988 na Weganan Olimpico na Korea. Desde hoben e ta activo como lider di deporte y hubentud den Iglesia Metodista. Ainda e ta tirando como chauffeur di taxi 268Sra. R.C. Lopez- Henriques- Werleman, di 58 aña pa su actividadnan deportivo cu ta encera bowling. E mes ta practica e deporte aki pa añanan largo y tin su propio scol di bowling “Eaglets”y ta certifica como trainer di bowling. E ta coach y trainer di seleccion nacional cu a logra hopi medaya internacional entre otro na Weganan Pan Americano. Door di su esfuerso tambe algun di su alumnonan a haya beca di afo pa sigui studia na Merca. Desde 2005 e ta presidente di Parkinson Vereniging Aruba.