Lejuez: KVK No ta sorprendi cu desaroyo encuanto CFT y Aruba

ORANJESTAD – Camara di Comercio tabata wardando pa wak kico lo tuma lugar. Esaki den relacion cu desaroyonan na Hulanda pa cu Aruba su finanzas. E hecho cu Aruba tabatin e posibilidad pa haya un Algemene Maatregel van Rijksbestuur, AMvRB, no a bin como un sorpresa, segun presidente di Kvk, Daphne Agius Cesareo-Lejuez. “Nos tabata sa cu algo tabata biniendo. Nos sa cu CFT ta purbando fuertemente pa haya un stronghold na Aruba” Agius Cesareo-Lejuez a sigui bisa. E hecho cu RMR lo mester a trata e asunto den nan seno diabierna, tabata un prome stap segun e presidente di Kvk, esta pa integralmente envolvi CFT na Aruba.

BON OF MALO

Riba e pregunta cu si e ta algo bon of malo pa Aruba, Lejuez a bisa cu ‘control nunca no ta malo’. Y sorprendi, nan no ta pero e momento, porta si. Mientrastanto a bira conoci cu Hulanda a wanta e decision riba Aruba, pendiente e bishita di Rey Willem Alexander y e reunion cu lo tuma lugar entre