Icono Mericano Harry Belafonte ta fayece na edad di 96 aña

MANHATTAN  – E icono Harry Belafonte (96) diamars a fayece di , insuficiencia cardiaco congestive. Den añanan 50 e la subi mercado musical y despues a bira un voz importante pa derecho civil Mericano. Naci na Harlem di mayornan Caribense, e la bira grandi cu cancionan manera ‘Day-O’, e cancion di banana, y Jamaica Farewell, y pa no lubida ‘Mathilda’. Ya na 1959 e tabata e artista di color miho paga na mundo. Despues e la bira e actor cotiza di Hollywood, pero despues a sigui pa bira un activista prominente pa derecho humano. E la casa cu Marguerite Byrd na 1948 di cual e la haya dos yiu, Adrienne Biesemeyer y esun mas conoci, Shari Belafonte. Ademas e ta laga dos yiu cu e la a haya cu sra Robinson, esta Gina Belafonte and David; y ta laga 8 nieto. Despues e la divorcia Robinson na 2004 y casa cu Pamela Frank, na 2008, cu tin un hijastra y hijastro Sarah Frank y  Lindsey Frank, respectivamente.