Lopez Tromp: Hopi interes pa solicitud griffier parlamento

ORANJESTAD – Mientras cu ta en espera di e caso cu e griffier retira di parlamento, Jacqueline Bastien, parlamento a cuminsa cu e proceso pa busca un remplasante. Presidente di parlamento Marisol Lopez Tromp a confirma na NoticiaCla.com cu e proceso di solicitud a sera y cu tin basta candidato cu a ‘registra’. No por bisa si ki tempo ta premira cu lo keda cla cu e proceso te pa nombra e griffier nobo.

HOPI INTERES

Segun Lopez, ta na inicio di aña a habri un solicitud den corant, pa un griffier nobo pa parlamento. “Parlamento mester di un griffier, trabounan tin cu sigui” Lopez a sigui bisa. E la confirma cu hopi solicitud a drenta, y ta haci mencion di entre otro 20 persona cu a solicita pa e funcion. “Dentro di poco nos ta bay over na interview e candidatonan pa por scohe e griffier pa parlamento di Aruba” Lopez a continua bisando.

.