Ryçond Santos Do Nascimento a haya su lugar ‘nobo’ den Parlamento

ORANJESTAD – Awe mainta durante e reunion publico di Parlamento di Aruba riba Costo di Bida, manera a anticipa, parlamentario Ryçond Santos Do Nascimento como parlamentario indepediente, a ubica su mes na su lugar nobo, den e caso aki entre fraccion di MAS y ACCION21. Despues di a distancia su mes y bandona partido AVP, e la declara su mes independiente, y como tal mester a haya un lugar ‘independiente’ pa sinta. Espacio no tin hopi pero den e caso aki, e la cay bon, esta entre MAS y ACCION21 cu un stoel di separacion entre cada uno. E siguiente eventual independente, lo por bira un reto.