Derecho pa homosexual mester bin rapidamente den Reino Hulandes

DEN HAAG – Representantenan di tur gobierno den reino ta di acuerdo: hende homosexual lo mester haña derecho igual na Aruba, Corsou i Sint Maarten. E minister hulandes Jet Bussemaker (Emansipashon) i e ministernan plenipotenciario di Corsou i Sint Maarten diaranson na Den Haag a ricibi un pakete di deseo di proteccion di esnan cu ta atende interes di derechonan di hende homosexual. Gobierno di Corsou tambe ta pro ‘derecho igual pa tur hende’, asina minister plenipotensiario Marvelyne Wiels ta sigura. Su partido Pueblo Soberano (PS) no obstante e resistencia di nan partidario i parlamentario Winifred Raveneau, ta simpatisado pa duna hende LHBT (Lesbian, Gay, Bisexual, Transgender) derecho igual.

GAY PRIDE

Na 2013 Raveneau a duna resistencia skerpi contra Gay Pride na Kòrsou. E organisacion di Gay Pride na ultimo momento a haña un permit extremamente severo cu a pone cu nan a haña nan ta tene nan fiesta den un hotel. Den e pakete di deseo na nòmber di diferente organisashonnan di interes di e partinan di reino caribense ta boga pa derecho igual riba e islanan i mihó informashon na skolnan tokante homosexualidad. Durante di e rueda di prensa na Den Haag tambe a anunsiá ku riba promé di augustus lo tin un ‘Barku di Reino’ den e parada di barku di Amsterdam Gay Pride. Motibo pa esaki ta e selebrashon di 200 aña Reino Hulandes i 20 aña di eksistensha di Gay Pride.

MENTALIDAD

E ministernan plenipotenciario abiertamente a duna nan sosten na e lucha pa derechonan igual riba e islanan. “Un cambio di mentalidad ta tuma añanan largo. Pero caminda tin un deseo polítiko por ratifiká kambionan di lei rapidamente””, luchadó Ramona Pikeur ta bisa. Awor ta previshon di informashon ta bini na promé lugá, e ministernan plenipotensiario ta bisa. “Pa motibu di hopi regla i norma severo i konservativo pa hopi hóben LHBT un coming out no ta fásil”, bosero Angelo Tromp di e representashon arubano ta bisa. Hopi be ta mira nan komo persona ku un defekto i esei ta ‘un eror grandi’. “Nos mester mustra ku tur hende ta igual i ku homoseksualidat no ta un enfermedat.” Na Aruba e siman aki a entregá un proposishon pa un lei ku mester hasi posibel pa registrá partner di e mésun sekso.

IGNORANSIA

“Promé kos konkreto ku mi por hasi ta di duna iformasho na skolnan i na mayornan. A bira tempu pa trata ignoransia den nos komunidatnan”, e minister plenipotensiario di Sint Maarten Josianne Fleming-Artsen ta bisa. “Nos promé minister tambe ke traha na e kousa aki Nos sa masha bon ku asta na Sint Maarten sa pèster hende LHBT, sa saka nan for di kas i sa diskriminá nan. Segun Frank Holtslag di Curaçao Gay Pride por ripará progreso kaba riba e isla: “poko tempu pasá Kòrsou a haña un premio na Los Angeles di International Gay and Lesbian Travel Assosiation, pasobra nos ta pionero den área karibense si ta trata di ‘most gay welcoming in the region’. Articulo Red Karibense . Autor / Foto John Samson