Southwest Airlines a ‘ground’ tur su buelonan te proximo aviso

MIAMI – E aeroliña Mericano Southwest Airlines a para tur su buelonan diamars mainta, debi na un problema technico. Tabata awe mainta 10:48am cu nan portal y app a raporta problema cu a pone cu e aeroliña a tuma e paso ey. Como tal a pidi e agencia federal di aviacion Mericano FAA pa para tur operacion por lo pronto. Esaki a nifica cu mas di 1200 buelo, of 30% di e buelonan domestico a keda afecta. No ta conoci si esaki a afeca buelonan internacional, aunke ta menciona cu a ‘ground’ tur avion di e aeroliña na Merca. Y si ta asina tur buelo cu sali for di Merca, incluyendo esnan cu ta internacional. Na december di 2022 caba e aeroliña a haye ta cancela un cantidad di buelo asina, pero e ora Aruba no a keda afecta. 

AFECTA ARUBA?

Southwest ta bula pa Aruba tambe y awe tabatin un buelo for di Orlando programa pa sali di Orlando pa 11:24am ora local, y  yega Aruba pa 14:20pm. Te cu awe mainta cu a raporta e noticia aki, no tabatin un orario poni riba e schedule di yegada pa Aruba, riba e portal di aeropuerto Reina Beatrix. Pues no a actualisa e status di e buelo unda cu ta actualisa e status di e buelo.