Seis comerciante den caso Avestruz sentencia na trabou comunitario of castigo di prizon

ORANJESTAD –Seis di e  sospechosonan den e caso penal Avestruz, esta sra Leoncita Arends, Carlo Mansur Jr, Ninosca Nuñez, Gaby Werleman, Harms y Piet Sussebeek diabierna a keda sentencia pa huez pa nan 'participacion' den e caso. Comerciante Kurt Harms na 80 ora di trabou comunitario y un multa di 50 mil florin, y e otro cuaternan  na 2 aña di castigo di prizon pa estafa (tres di nan y uno pa soborno) di cual 1 aña ta condicional y un multa di 50 mil florin (pa Arends y 25 mil pa e otro tresnan) y un periodo di prueba di 3 aña. Pa e cargo di falsificacion di documento y soborno activo e la keda absolvi.  

CASTIGONAN PIDI

Pa tur, Ministerio Publico a pidi e siguiente castigonan.Pa Pieter Susebeek a pidi 4 aña, mas boet di 25 mil florin; Leoncita Arends 3 aña mas boet di 25 mil florin Ninosca  Nuñez y Gabby Werleman a pidi 2 aña mas boet di 25 mil florin y pa Carlo Mansur a pidi 2 aña y boet di 25 mil florin. Y pa Kurt Harms 100 ora trabou pa comunidad of 50 dia cera y un boet di 25 mil florin