Ex minister Sevinger sentencia na 1 aña di prison den caso Avestruz

ORANJESTAD – Ex minister Benny Sevinger diabierna a keda sentencia na 1 aña di prison di cual 6 luna condicional pa soborno y malversacion di fondo di su fundacion. Esaki ta e caso penal Avestruz unda cu hunto cu 10 otro sospechoso, e mester a tende su destino keda presenta. Tur esaki a sosode den e periodo cu e tabata minister di gabinet Mike Eman II. Pa varios otro cargo e la keda absolvi y mester bisa cu e sentencia pidi contra dje, tabata 5 aña di prizon. Pa e cargo di estafa y maluso di funcion, e la keda absolbi. Pa soborno pasivo y malversacion pues e la keda sentencia y pa labamento di placa e la keda absolvi. E tin dos siman pa apela. 

CASTIGO PIDI

Pa loke ta e castigonan pidi, pa Benny Sevinge a pidi 5 aña di prizon, y cu durante 10 aña e no por subi lista politico ni ocupa un funcion publico.