Fundacion Muchila Creativo a celebra su di 20 aniversario

ORANJESTAD - Fundacion Muchila Creativo recientemente (9 di april) a celebra su di 20 aniversario. En connecion cu e anniversario lo organisa diferente evento y actividadnan henter e aña aki. Nan prome actividad a tuma luga dia 13 di April unda Fundacion Muchila Creativo a ricibi bishita di 12 damanan professional di New Orleans na Merca pa haci trabou voluntario. Nan a ofrece pa assisti Muchila Creativo pa crea un Promotional Video en conneccion cu e 20 aniversario di e Fundacion.   E actividad a tuma lugar na Muchila Creativo na unda nan a asisti na diferente tayer hunto cu e studiantenan di es Scol Secundario pa hobennan special di edad entre 15 - 27 aña.

Durante e actividad a ofrece e siguiente tayernan: Teatro, Arte Visual, Percussion y Trahamento di Chuculati. E dia a culmina cu un presentacion di e participantenan adulto y hobennan special, cu un obra cu popchi, creacion di arte ariba e t-shirtnan, un demonstracion con pa traha chuculati y un Jump up cu live Percussion ariba Plaza Nikki Habibe.

Pronto nan lo ofrece nan eventonan y actividadnan cu Muchila Creativo lo tin durante e aña aki. Keda pendiente!