Coalicion VVD –PvdA a sera acuerdo y evita crisis

DEN HAAG – Despues di 9 dia di negoshacion intenso, partidonan di coalicion VVD y PvdA a yega na un acuerdo riba e impasse riba trato di asilo politico. E asina yama cuestion di cama, baño y pan. Tur ta puntonan basico cu un persona den proceso di haya asilo politico of cu a wordo nenga, tin cu haya te ora cu e wordo procesa. E partidonan a firma e acuerdo ayera nochi 10’or ora di Hulanda,. E resultado ta cu buscadonan di asilo cu a wordo rechasa, por keda den 6 ciudad, e 5 mas grandi di Hulanda, y tambe Ter Apel. Nan lo tin derecho pa drumi, cuminda, y baña. Gobierno lo cubri e gastonan aki. E acuerdo aki mientrastanto a haya rechaso mesora di Nacionnan Uni su persona cu ta raporta riba derecho humano. Nan ta considera esaki como inhumano y en contra di e reglanan internacional.