Otro siman ta firma acuerdo di ‘Onderlinge Regeling’ na Hulanda

ORANJESTAD – Otro siman Aruba, Corsou, St Maarten y Hulanda ta firma e acuerdo final conoci como ‘Onderlinge Regeling’ osea e acuerdo mutuo cu ta reemplasa COHO definitivamente. Prome minister Evelyn Wever a confirma diahuebs mainta cu e y colega minister Xiomara Maduro lo biaha pa Hulanda e fin di siman aki pa ta presente pa e firmament aki. Unabez cu e documento keda firma, oficialmente COHO ta pasa pa pasado. 

KICO ESAKI KIER MEN

Contrario na e prome intencion di Hulanda pa impone e asina yama COHO, unda cu 3 persona apunta pa Hulanda lo mester a controla tur trabou di e.o. e Landspakket, sin cu tabatin inspraak, awor tur cos ta cay den man di e propio gobiernonan, lidera pa e prome ministernan respectivamente, y cu lo wordo ehecuta pa un ekipo y cumpli asina cu e ehecucion conforme deseo di Hulanda. 

KICO A PASA

Tabata aña pasa na juni cu e islanan menciona a informa Hulanda formalmente cu nan no ta di acuerdo cu e contenido di COHO y a presenta un alternativa. Esey a bira e ‘Onderlinge Regeling’, cu for di comienso tabata un posibilidad. Hulanda e momento ey a bay di acuerdo cu e idea, y e paisnan menciona a cuminsa traha riba e contenido. Esaki mientrastanto a keda cla, segun e mandatario di Aruba a sigura diahuebs mainta. E firmamento di e documento aki lo tuma lugar diamars mainta ora di Hulanda.