Minister Hulandes Dijkgraaf ta bishita Isla Riba otro siman

DEN HAAG - Minister Robbert Dijkgraaf (Enseñansa, Cultura, i Ciencia) ta bishitaSaba, Sint Eustatius i Sint Maarten di 3 te ku 5 di april. E bishita ta caracterisa pa e Consulta Ministerial di Cuater Pais Enseñansa, Cultura i Ciencia i e conmemoracion di e pasado di sclavitud. Minister Dijkgraaf ta e minister kordinadó di e Aña Konmemorativo di Pasado di Sclavitud. Recientemente e mandatario tabata na Aruba tambe. 

Aki bou ta sigui un bista general di e bishitanan i kòmbersashonnan ku e minister lo tene ku diferente partido na e islanan.

SABA

Na Saba Gezaghèber Jonathan Johnson lo risibí minister Dijkgraaf. Despues lo e drenta den kòmbersashon ku e Kolegio Ehekutivo i e Konseho Insular. E tópikonan prinsipal na òrdu durante e bishita ta Enseñansa, Pasado di Sklabitut i e transishon pa studiantenan ku ta sigui un estudio superior. Pa klousura su bishita e minister lo bishita Saba Heritage Center.

SINT EUSTATIUS

Na Sint Eustatius minister Dijkgraaf ta papia ku e Kolegio Ehekutivo i e Konseho Insular. Despues Minister Dijkgraaf lo bishitá skol Gwendolyn van Putten. Den e oranan di atardi e minister lo bishitá e Planetarium, siguí pa un Rekorido di Oranjestad, e Plantashon Godett i Fort  Amsterdam pa haña mas konosementu den su papel komo minister kordinadó pa e Aña Konmemorativo di e Pasado di Sklabitut.

SINT MAARTEN

Na Sint Maarten durante di su bishita e minister lo tin un kòmbersashon ku e Gobernador di Sint Maarten, siguí pa un bishita na e minister di Education, Culture, Youth & Sports (Edukashon, Kultura, Hubentut i Deporte) sr. Rodolphe E. Samuel. Despues di esaki Minister Dijkgraaf lo bishitá Universidat di Sint Maarten i NIPA komo klousura di su bishita na e isla. NOTA: E texto ta scirbi na Papiamento fonetico di Corsou.