Corsou (CTB) y e seleccion di futbol Hulandes Ajax a extende nan colaboracion

WILLEMSTAD  – The Curaçao Tourist Board (CTB) y AFC Ajax a extende nan colaboracion pa e temporada di 2023/2024. Corsou tabata un partner oficial di Ajax desde 202 y e logo di Corsou ta visible riba e manga di e camisa di futbol di Ajax durante tur e weganan oficial di e liga di honor, KNVB Cup y e competencianan di wega Europeo. Corsou lo ta visible tambe den y rond di e stadion di Ajax y e contenido di e canalnan di Ajax.  Segun e director comercial di Ajax Menno Geelen, durante nan bishita na Corsou aña pasa, nan a mira con fuerte e asosacion a bira durante añanan. Segun Muryad de Bruin, Managing Director di CTB, e ‘reach’ internacional grandi di Ajax a contribui na e visibilidad di Corsou den tur e mercadonan aki den e ultimo añanan, sigur cu nos logo riba e camisanan di Ajax durante partidonan Europeo. “Nos ta contento di por sigui cu e aliansa aki”. E aña aki otro delegacion di Ajax lo ta na Corsou den luna di juli. E biaha aki lo ta e leyendanan di Ajax cu lo bishita e isla pa un programa deportivo.