Delta Airlines ta añadi buelo extra pa Aruba for di Atlanta

ATLANTA – E aeroliña Mericano Delta a anuncia cu nan ta añadi un buelo extra pa Aruba for di Atlanta, cu ta pone cu awor lo tin dos buelo diario for di Atlanta. E anuncio ta forma parti di un anuncio di e aeroliña pa añadi varios buelo pa Caribe for di New York y Atlanta . Aruba ta riba e red di Delta caba pa masha tempo y incluso for di Atlanta. Ta solamente mas buelo Aruba lo haya awor. No ta algo nobo ya cu ta custumber cu aeroliñanan Merican ta anuncia esaki pa temporada, y despues ta ahusta segun necesidad. Pero semper anuncio di mas buelo ta bon noticia ya cu e ta crea mas chens pa mas turista bishita nos isla.