Groenlinks ta e partido mas grandi pa Hulandesnan cu a vota pafo di Hulanda

DEN HAAG – E partido politico Hulandes GroenLinks ta parce di ta e partido mas grandi entre e Hulandesnan cu ta biba pafo di Hulanda y cu tabatin derecho di voto y cu a vota durante e ultimo eleccion provincial siman pasa diaranson. Partido D66 tabata e di dos. E partido BBB no a haya voto ya cu no a permiti e partido disponbel pa vota pafo di frontera Hulandes. Tabata prome biaha cu Hulandesnan pafor di Hulanda por a vota pa eleccionan Provincial. Ta trata di 37 mil Hulandes cu a registra mientras cu a conta voto di por lo menow 26 mil caba. E resultado preliminar ta cu Groenlinks a haya 18,3% di e votonan, D66 cu 16,2% na di dos lugar y VVD na di tres lugar cu 14,3%.