RST a detene Parlamentario Rolando Bryson na St Maarten pa soborno

RST a detene Parlamentario Rolando Bryson na St Maarten pa soborno

Posted on 03/17/2023 3:03 pm AST | Updated on 03/17/2023 3:03 pm AST

PHILLIPSBURG – E parlamentario di St Maarten Rolando Bryson a keda deteni diabierna pa RST, riba sospecho di soborno. Ademas di e detencion a haci entrada hudicial na su cas y den edificio di Parlamento. E detencion ta relaciona cu e caso Lissabn unda cu tin sospecho pues di soborno y cu e parlamentario a abusa di su funcion. No ta descarta mas detencion mientras cu e investigacion ta andando.  

  • Secretario di estado van Huffelen a landa cu habitantenan na Bonaire

    Secretario di estado van Huffelen a landa cu habitantenan na Bonaire

    KRALENDIJK – Secretario di estado Hulandes Alexandra van Huffelen a bay landa durante su bishita na Bonaire e siman aki. Manera ta conoci, e siman aki sekretario di estado Van Huffelen ta bishitá Boneiru, Saba i Sint Eustatius.

  • Tin bista riba un situacion di tempo (AL97) desaroyando den nos area

    Tin bista riba un situacion di tempo (AL97) desaroyando den nos area

    MIAMI – Un situacion di tempo ta desaroyando den nos region cu por ta interesante pa sigui. E ta un area amplio di awacero y tormenta. Condicionan Ambiental ta mustra favorabel pa mas desaroyo den e proximo dianan, segun e sistema ta move direccion west riba e parti central y zuidwest di Caribe. Ta premira cu un  depresision por keda forma den curso di e siman aki ainda. E chens pa esaki ta 70% dentro di 7 dia di desaroyo. Localmente Meteo ainda no a raporta nada riba e sistema aki, pero nos ta keda pendiente riba nan raportahe mas laat den dia. 

  • Na Venezuela a organiza expo di salud pa retoma e mercado di islanan ABC

    Na Venezuela a organiza expo di salud pa retoma e mercado di islanan ABC

    FALCON – Diasabra na estado Venezolano Falcon a tene un exposicion di salud cu e meta pa retoma e mercado di salud pa islanan ABC. Un total di 30 empresa a mustra nan interes pa cu e toma aki. E iniciativa tabata di e director di Consecomercio y e di dos vice presidente di fedecamara di Falcon. E tabata un strategia di mercadeo y posicionamento di un oferta exportable solido di calidad, enfoca riba e turismo di salud procedente di islanan ABC. 

  • Nina den Heyer ta bolbe como diputado na Bonaire

    Nina den Heyer ta bolbe como diputado na Bonaire

    KRALENDIJK – Ex politico y diputado Nina den Heyer ta bolbe como diputado na Bonaire proximamente. Noticiacla a compronde di fuentenan cerca di e proceso, cu den Heyer lo bira un di e tres diputadonan cu lo forma e proximo colegio ehecutivo na Bonaire, despues cu siman pasa gobierno a cay ora cu un miembro di e colegio a retira su sosten na e partido di coalicion MPB. Esaki a pone cu e sosten no tabatey cu consecuencia cu e gobierno a cay. 

  • Parlementarionan di islanan CAS ta reuni riba e.o. geschillenregeling na St Maarten awe

    Parlementarionan di islanan CAS ta reuni riba e.o. geschillenregeling na St Maarten awe

    PHILIPSBURG – Parlamentonan di Aruba, St Maarten y Corsou a inicia nan reunion tripartite awe na St Maarten. Esaki antes tabata ta semper e caso prome cu e reunion cu Hulanda den e reunionan IPKO cu lo a cuminsa despues. E biaha aki sinembargo esey lo no ta e caso ya cu e formato a keda cambia.  E temanan discuti ta entre otro e progreso di Geschillenregeling y tambe e conectividad entre e islanan. Tambe e deficit democratico tambe ta na ordo, cu ta origina ora cu leynan di consenso cu ta inicia pa Reino, mientras cu e islanan di Caribe tin un influencia minimo riba e contenido di e leynan. Nota: E potret ta di archivo di noticiacla di un reunion anterior di IPKO na Corsou. 

  • Mariniernan a sostene autoridad local durante pasada di horcan Tammy na Sint Maarten

     Mariniernan a sostene autoridad local durante pasada di horcan Tammy na Sint Maarten

    PHILLIPSBURG – Autoridad di  Sint Maarten ayera a hasi un petishon na Defensa pa sostené nan ku Orkan Tammy. Defensa a duna oido na esaki i a pone trahadónan i rekursonan disponibel.Sint Maarten mes ta tuma e inisiativa rondó di kordinashon i gestion di tareanan i Defensa ta sostené kaminda ta nesesario ku trahadó i rekursonan. Tareanan ku ta keda ehekutá pa Marina ta entre otro, duna sosten ku vigilansha na prison, kore patruya rònt e isla, i kaminda ta nesesario, vigilansha di órden públiko.  Mardugá, te ainda ku eksepshon di algun insidente chikitu, tal manera un aksidente di outo, a transkurí trankil. Banda di e rekursonan di defensa  ku ya kaba a  keda desplegá, esaki si ta nesesario lo wòrdu ampliá. Sosten na outoridatnan lokal ta un di e tres tareanan primordial di Defensa.  Defensa ta sentra su mes riba yudansa inmediato, (di emergensia) durante i despues di paso di un orkan. NOTA: Texto ta scirbi den papiamento fonetico di Corsou. 

  • Powered by SETAR