- Aruba a ricibi su prome buelo di British Airways diadomingo
- Conocido comediante y artista Eligio Melfor a bay sosega
- Awe nochi ta bo chens di gana 650 mil florin cu Lotto 5
- SETAR ta sponsor di Soul Beach Music Festival 2023
- Ex tesorera di fundacion di partido POR sentencia na 120 ora di trabou comunitario
DEA ta den fase di Inventarisacion pa Enseñansa Primario Arubano
ORANJESTAD - Departamento di Ensen?ansa Aruba (DEA) diahuebs a informa cu nan tin e tarea pa traha un maneho integral pa ensen?ansa primario, pues pa muchanan di 4 pa 12 an?a di edad.
Actualmente DEA ta den e fase di inventarisacion/analisis pa formula un analisis integral, hunto cu tur interesado cu tin relacion directo of indirecto cu ensen?ansa primario. A base di e resultadonan di e analisis aki lo fiha maneho y condicion cu mester t’ey pa por innova nos ensen?ansa den un forma responsabel y cu ta tene cuenta cu nos contexto.
Inventarisacion hunto cu un proceso di analisis ta importante pa motibo cu ya tin maneho aproba cu ya caba ta den fase di ehecucion. Por menciona por ehempel maneho riba Scol Arubano Multilingual cu ta e.o. implementacion di e metanan nucleo aproba desde 2018. Tambe por menciona e acercamento di ensen?ansa multilingual basa riba idioma materno cu tambe ta aproba.
E maneho integral pa ensen?ansa primario mester sali for di e Plan Educacion Nacional 2030 (PEN 2030) cu ta un maneho strategico general di ensen?ansa cu ta formalisa. Cu desaroyo di e maneho integral pa ensen?ansa primario lo traha un nota (startnotitie) pa por renoba e leynan actual di ensen?ansa preparatorio y basico cu entre tanto ta data di siglo pasa. Ley ta un di e condicionnan pa ensen?ansa di calidad tuma luga. Renobacion y desaroyo di ley di ensen?ansa na Aruba ta prioridad di e minister encarga cu ensen?ansa di Gabinete Wever-Croes 2.
Tambe ta sigui recomendacion 11 stipula den e rapport di e estudio di inspectoria di ensen?ansa Arubano y Hulandes. E inventarisacion ta tuma luga door di e.o. rondanan di consulta cu diferente interesadonan di ensen?ansa, manera directivanan di scol, cabesante, maestro di scol preparatorio y basico, organisacionnan no gubernamental y organisacionnan gubernamental. Ademas lo bay consulta cu e mucha mes y mayornan. E proceso di inventarisacion a inicia 21 di februari 2023 y lo continua durante e simannan venidero.
SETAR ta sponsor di Soul Beach Music Festival 2023
DOW: Construccion ta cuminsa di proyecto pa mehora sistema di drenahe na Palm Beach
Censo lo ta cera pa motibo di upgrading di nan sistema di software
WEB ta alerta di chens minimo di interupcion di coriente durante testmento di e planta RECIP IV
BALASHI – E compania di utilidad WEB Aruba NV, a alerta diahuebs cu debi na trabounan di test e planta di generacion di coriente diabierna awor, ta keda posibilidad minimo di interupcion di coriente . Segun e informacion ricibi, e vocero di e planta a splica cu “ como parti di proyecto RECIP IV, diabierna 24 di maart 2023 lo tuma lugar varios test den planta di generacion di coriente di WEB”. Ademas e ta sigui bisa cu e test aki ta necesario pa por pa confirma cu e planta nobo ta funciona debidamente. “Mirando e magnitud y riesgonan envolvi cu e trabou, ta keda existi un posibilidad minimo cu por surgi interupcion di coriente” e informacion ta sigui bisa. “E grupo di proyecto RECIP IV, hunto cu coleganan di diferente departamento na WEB en cooperacion cu partner Wärtsilä, lo tuma tur precaucion y coordina e trabou di tal forma pa evita cualkier incidente of interupcion di coriente”, e informacion ta finalisa bisando. Ta conoci cu WEB ultimo tempo no tabatin su miho momento cu otro apagon recien, aunke cu mientrastanto a sigura cu a logra haya e problema y cu a sigura cu esaki lo no sosode mas of sigur di forma minimal.
Do it Center y Éxito Wow ta uni pa expandi nan selección di producto na Aruba
DEA ta organisa sesion di informacion pa esnan cu kier bay studia na Hulanda
ORANJESTAD - Departamento di Enseñansa Aruba (DEA) ta invita tur esnan cu tin interes pa bay studia na Hulanda, pa un sesion di informacion cu Dienst Uitvoering Onderwijs (DUO). DUO ta na Aruba di 20 te cu di 30 di maart proximo pa asina asisti tanto e studiantenan cu tin intencion di bay studia na Hulanda, como tambe e ex-studiantenan.
Follow NoticiaCla
