Envez di e aña aki, ta celebra Arubadag atrobe otro aña na Hulanda pero diferente

Envez di e aña aki, ta celebra Arubadag atrobe otro aña na Hulanda pero diferente

Posted on 03/15/2023 2:17 pm AST | Updated on 03/15/2023 2:20 pm AST

ORANJESTAD – E aña aki no tin Arubadag na Hulanda atrobe, manera tabata e caso ultimo 3 añanan. E motibo tabata e pandemia cu a causa di no por a organisa nada cu un multitud di hende. Awor cu tur cos ta bayendo pa normalidad bek segun gobierno di Aruba, ta bon momento pa reevalua e concepto di Aruba huis. 

Bou guia di Minister President a institui un comision y a delibera cu hopi sector den comunidad y cu e studiantenan na Hulanda. E conclusion general ta cu ta momento pa e celebracion di Arubadag ofrece algo mas cu solamente celebracion cultural. 

CONCEPTO NOBO

E concepto nobo ta mas bien un exposicion di kico tur Aruba tin pa ofrece riba tereno di labor, turismo, economia, enseñansa y ta finalisa cu un celebracion cultural. 

Considerando cu e cambionan aki ta tuma nan tempo pa wordo bon hinca den otro, a tuma e decision pa no organisa e celebracion e aña aki. Lo haci uzo di e tempo pa sigui prepara tur locual ta necesario pa asina introduci e concepto nobo aki otro aña. Minister President lo presenta e propuesta final pronto na Conseho di Minister.

  • Varadero
  • Powered by SETAR