Tin hopi interes pa findishi di 12 botonan confisca pa Ministerio Publico

ORANJESTAD – Tin hopi interes pa e findishi di boto cu Ministerio Publico a anuncia recientemente. Manera ta conoci y raporta pa noticiacla, e findishi lo tuma lugar riba 24 di maart venidero, cuminzando pa 10’or di mainta na kazerne na Savaneta y tur placa lo bay pa Criminaliteitsbestrijdingsfonds.

INSCRIPCION 

E inscripcion  ta bayendo hopi bon mes segun e vocero di OM, Ann AngelaL:” Nos a supera 100 y pico inscripcion caba. E inscripcion ta habri te cu diabierna awor y mi ta spera cu mas hende interesa den tin un boto, lo inscribi. Nan por contact mi libremente na tel 5214135 of ann.angela@omaruba.aw y pone nan nomber” e vocero a sigui bisa. E findishi lo bay mescos cu biahanan anterior cu hende ta skirbi nan prijs riba un formulario cu lo tin disponible eynan na kazerne y pone den un caha, cu lo wordo habri na fin di dia y asina ta haya sa ken a bid mas. Tin 12 boto, posiblemente cu lo bin un of dos mas acerca.