VNO na Aruba tambe ta observa minuut di silencio diaranson

ORANJESTAD –E dia di luto nacional na Hulanda diaranson tambe ta conta pa e representacion di Hulanda na Aruba (VNO) . Esey ta nifica cu diaranson mainta 10’or nan tambe lo tene un minuut di silencio, y esaki ta despues cu e dos avionnan cu e curpanan sin bida yega Hulanda. E bandera di Hulanda tambe lo ta halfstok na VNO. Aruba su gobierno y departamentonan publico tambe lo ta solidario na e momento aki pues tur edificio publico tambe lo reconoce e bandera halfstok. Notable ta cu e bandera di Aruba, pa respect cu e atencion ta poni riba Hulanda, no a wordo bula tampoco.NOTA: e potret aki ta di siman pasa diabierna, unda cu e bandera di Aruba tambe tabata presente.