Copa mundial di futbol di FIFA ta expande na 104 wega reparti riba 40 dia

AMSTERDAM – E seleccion di Hulanda pa e torneo di World Baseball Classic e aña aki cu ta tuma lugar na Miami, Tokio, Houston y Puerto Rico, entre 6 y 11 di maart 2026, ta conoci. Diahuebs anochi Hulanda a presenta su seleccion official. Notable ta cu a laga e yiu di Corsou Jonathan Schoop afo, y a inclui su ruman homber chikito Sharlon Schoop. Jonathan ta deteni ainda na Corsou y ta tende awe diabierna si su detencion relaciona cu tema di droga, ta keda prolonga. E tabata poni pa forma parti tambe di e seleccion. 

MIAMI – E di seis edicion di e World Baseball Classic lo bira e torneo internacional di baseball cu e mihor participacion te awo. Major League Baseball a confirma cu tur paisnan top lo participa cu nan streanan. mas grandi E seleccionnan definitivo di e binti paisnan participante, incluyendo Hulanda, lo wordo anuncia riba 5 di februari. E torneo ta conta como e campeonato mundial no oficial di baseball y lo wordo hunga for di 5 te 17 di mart na Miami. Hulanda ta participa pa di seis biaha como Reino team, bou di liderazgo di e coach nashonal Andruw Jones. Oranje ta clasifica den Grupo D hunto cu Venezuela, Nicaragua, Israel y Republica Dominicano. Maske e seleccion definitivo ainda no ta establece, ta spera cu varios profecionalnan conoci lo participa, entre nan Xander Bogaerts, Kenley Jansen, Ceddanne Rafaela y Ozzie Albies.

ATLANTA – Segun MLB, un encuesta entre fanatic di baseball professional mericano, e Yiu di Corsou, Ozzie Albies ta den top 10 di miho hungador segunda base, y e ta na posicion number 7, prome cu Brendan Donovan (STL) y despues di Jazz Chisholm JR (NY Yankees). E prome riba lista ta Ketel Marte di Arizona Diamondbacks. Ta sigui Nico Hoerner (Cubs), Brice Turang (Washington), Jose Altuve (Houston), Ernie Clement (Toronto), Marcus Semien (Mets), Gleybert Torres (Detriot Tigers). 

COOPERSTOWN – Despues di a warda 7 aña, e yiu di Corsou, Andruw Jones, a logra drenta Salon di Fama di baseball grandes ligas diamars anochi. Cu e logro aki, e ta bira e basebolista yiu di tera mas cotisa y ta logra marca historia p’e y pa e isla di Corsou. Su logronan ta historico, y ta hacie un legendario. Pero e mester a warda basta pa por a drenta e salon asina cotisa. E la hunga 17 aña den grandes ligas mericano, cuminsando su carera cu Atlanta Braves. 

WILLEMSTAD / GLASGOW – Curaçao lo hunga riba diasabra 30 di mei, dos siman prome cu cuminsamento di WK 2026, un partido di preparacion den y contra Escocia. Pa Dick Advocaat, esaki ta significa un retorno na Glasgow, caminda el a sirbi como entrenador di Rangers entre 1998 y 2001. E wega na Escocia lo tuma lugar riba Hampden Park na Glasgow, e estadio unda e escosesnan a logra clasificacion pa e Mundial den luna di november despues di un partido espectacular contra Dinamarca.   Den luna di maart, Curaçao lo hunga prome dos partido internacional na Australia, como parti di un torneo chikito unda tambe Australia, China y Camerun lo participa. Den e torneo mundial, Curaçao lo debuta como e pais mas chikito cu jamas a logra clasificacion. Den e fase di grupo, e seleccion lo enfrenta Alemania, Ecuador y Costa de Marfil.  

DETROIT - Red Bull y Racing Bulls a presenta nan auto nobo pa temporada di Formula Uno 2026 diahuebs anochi. E temporada aki ta marca un nobo era di regla technico, y Red Bull a scoge pa tene un lanzamiento conjunto cu Racing Bulls den Detroit, Michigan, Merca, den cas di nan nobo socio pa motor, Ford, cu lo construi nan mes motor pa prome bez. Red Bull su auto RB22 lo wordo conduci dor di coredor cu cuatro titulo Max Verstappen, hunto cu su cumpañero nobo Isack Hadjar, despues cu e coredor frances a wordo promove pa tuma lugar di Yuki Tsunoda despues di un temporada dificil 2025, caminda e hapones tabata promove for di Racing Bulls den un intercambio di coredor cu Liam Lawson despues di prome dos ronda.