- AZV: Otro luna tin traspaso automatico di clientenan di dokter Vink pa HOED Piedra Plat
- SETAR a tene su Avigilon ALTA Launch Event cu enfoke riba e futuro di seguridad
- Grupo grandi di ex studiante tin problema pa paga nan Duo lening bek
- CBS: Bestaansminimum a subi atrobe na Aruba debi na aumento di gasto di cuminda
- Figaroa: Proximo gobierno mester consisti di solamente vakministers
Na Corsou, proseso kontra Ansary, su yiu y top funshonarionan Ennia a start
WILLEMSTAD - Ayera a start e proseso di e kaso di responsabilisá Hushang Ansary, su yu muhé Nina Ansary, Gijsbert van Doorn, Ralph Palm i Abdala Andraous i Parman International B.V., Nina Ansary, Abdalla Andraous i Ralph Palm, den Korte di Apelashon. E personanan aki a apelá e sentensia ku a keda diktá kontra di nan den luna di novèmber 2021, kaminda nan mester paga miónes di florin. Pa Hushang Ansary ta bai aki pa alrededor di 1 miar florin.
E kompanianan Ennia Caribe Holding N.V., Ennia Caribe Leven N.V., Ennia Caribe Schade N.V., Ennia Caribe Zorg N.V. i EC Investments BV a entamá e kaso kontra dje propietario di e kompania di seguro lokal, Hushang Ansary, Nina Ansary, Gijsbert van Doorn, Ralph Palm i Abdala Andraous i Parman International B.V.
Ennia ta eksigí pa Hushang i demas paga tur e sèn ku a saka for di den Ennia i asina a debilitá e kompania i te ku e mester a kai bou di e areglo di emergensia di Banko Sentral.
E kaso ta planiá pa tuma lugá kuater dia. Djaweps ta e último dia.
Den tur e dianan aki, abogado di Hushang, su yu muhé i “kompañeronan” lo hiba defensa dilanti tres wes. Tres wes ku a bini for di Ulanda pa trata e kaso enkuestion.
Kontrali na biaha pasá, e biaha aki si e yu muhé Nina Ansary ta presente na Korte den kompania di su kasá. Ademas el a separá su kaso for di esun di su tata, i tabatin su propio abogado. Tantu Nina, komo Hushang a presentá ku nan abogadonan for di Merka pa sostené nan den e kaso aki, tambe huntu ku e abogadonan lokal.
Andraous a sigui e kaso di forma virtual. Riba dos dia partidonan lo hiba nan defensa, despues lo reakshoná riba otro su defensa i djaweps trai mèrdia tin e final di tratamentu pa despues wesnan indiká ki dia ta dikta sentensia.
Primeramente ayera e defensor di Nina Ansary a pidi wesnan pa no agregá sierto dokumento di e dosié den kaso di Nina, pasobra nan a keda atkerí di forma ilegal. A pidi laga e dokumentonan aki pafó dje proseso. Pero e tres wesnan a rechasá e petishon aki. E wesnan a bisa ora di husga e kaso, nan lo atendé e dokumentonan aki tambe. NOTA: Texto scirbi den Papiamento fonetico di Corsou.
Helicopter y avionnan nobo di Wardacosta Caribe Hulandes ta operacional
WILLEMSTAD - Ultimo añanan tras di lomba a traha duru riba kòntraktnan nobo pa e unidatnan aéreo pa Wardakosta Karibe Hulandes. Meta di a sera e kòntraktnan aki ta un provedor di servisio konfiabel pa Wardakosta i unidatnan aéreo moderno, ekipá ku hèrmèntnan teknológiko ku ta yuda den ehekushon di e tareanan di Wardakosta.
Hulanda dispuesto pa yuda paisnan den Caribe cu asunto di refugiadonan
WILLEMSTAD - Apesar ku asuntu di refugiado ta keda un responsabilidat outónomo di kada pais den Reino, gobièrnu Hulandes ta dispuesto pa yuda Kòrsou, Aruba i St. Maarten ku ayudo tékniko den kaso ku pidi pa esaki. Gobièrnu Hulandes ta enfatisá sinembargo ku ta importante ku ta habri diálogo ku organisashonnan no gubernamental pa optimalisá kolaborashon.
Cooperacion mas estrecho entre e parti Caribense di Reino y Hulanda riba tereno di enseñansa i investigacion
WILLEMSTAD - Diesocho instituto di enseñansa i konosementu di e parti karibense di Reino i Hulanda ta bai sigui strukturá i intensivá nan koperashon riba tereno di enseñansa, investigashon i siensia. Asina por ehèmpel nan kier bai desaroyá entre otro programanan di enseñansa konhuntamente. E kolaborashon speshal ta resultado di e mishon di konosementu den e área karibense bou di liderazgo di minister Dijkgraaf (Enseñansa, Kultura i Siensia). Djabièrnè último a klousurá esei na Kòrsou.
Na Corsou tin 4300 cas di famia sin suministro di awa
WILLEMSTAD - E frakshon di MFK ta hopi preokupá ku kasnan ku no tin suministro ainda di awa. P’esei nan ke un reunion públiko, kaminda ta invitá minister Ruthmilda Larmonie-Cecilia i su kolega minister Ruisandro Cijnte pa ta den sala di parlamento i asina debatí ku nan riba e tópiko aki.
Na Corsou a sentencia homber Arubiano gara cu 1 kilo y mei di marihuana geplak na barica
WILLEMSTAD. – E akusado V.V. (33) nasé na Aruba su kaso a keda tratá den su ousensia. Segun akusashon dia 21 di febrüari último, el a trata na eksportá 1.535 gram di mariwana.
Cu un beca Tula, un studiante di Corsou por haci estudio di historia na Hulanda
WILLEMSTAD - Ministernan di Enseñansa Robbert Dijkgraaf (Hulanda) i Sithree van Heydoorn (Kòrsou) den presensia di minister di Edukashon di Aruba, Endy Croes a firma ayera un akuerdo pa instituí e beka Tula. Pa medio di e beka aki un studiante di Kòrsou por hasi un estudio di historia na Hulanda na nivel di “bachelor”.
Follow NoticiaCla
