Biento fuerte a pone Schiphol cera 5 pista awe. KLM tin retraso pa Aruba!

Biento fuerte a pone Schiphol cera 5 pista awe. KLM tin retraso pa Aruba!

Posted on 03/13/2023 11:17 am AST | Updated on 03/13/2023 11:19 am AST

SCHIPHOL – Debi na biento fuerte na Schiphol na Hulanda, trafico aereo for di e aeropuerto principal di Hulanda ta coriendo cu retraso y otro problema operacional. Ta trata di biento fuerte di zuidwest. Esey a pone cu e aeropuerto mester a cera 5 di e 6  pistanan di aterisahe. E asina yama oostbaan ta e unico pista habri. Consecuencia ta pa avionan cu ta grandi cu no por aterisa of subi riba e unico pista habri. Pa Aruba tambe e tin consecuencia cu a pone cu e avion tin un retraso di por lo menos 2 ora awe dialuna. Envez di 6’or y 20, e avion ta poni pa yega 8’or y 20 di awe nochi.  

  • Na Hulanda morto a cay ora cu parti di un brug den construccion a cay den otro

    Na Hulanda morto a cay ora cu parti di un brug den construccion a cay den otro

    LOCHEM - Na Hulanda morto a cay ora cu un brug den construccion a cay den otro. Ta trata di un brug den construccion riba e canal Twente na Lochem. Dos persona a fayece y dos a keda herida. Un di e boognan di e brug a los di e grua, y bin abou. E boog a cay riba dos persona matando nan. No ta conoci kico a bay robez. Awe tabata asina leu cu lo mester a ubica e boognan riba nan lugar. Cu esaki lo mester a completa e trabou di e brug nobo aki. Ta mustra cu di e kabel di e grua a kibra cu consecuencia cu e boog a bin abou. 

  • Informador nobo Putters ta delibera riba un gabinete ‘extra parlamentario’ Hulandes

    Informador nobo Putters ta delibera riba un gabinete ‘extra parlamentario’ Hulandes

    DEN HAAG – E informador Hulandes nobo Kim Putters, lo mira ki forma di gabinete Hulandes por forma aworaki. E la keda nombra ayera door di Tweede Kamer. E ta e presidente di e SER Hulandes. Segun Putters, e panorama politico ta uno fastioso y e ta planea pa reuni cu tur e lidernan di fraccion. E ta spera cu tur partido aparece. E kier scucha tambe di partidonan cu no lo participa na e coalicion pasobra e kier sa con nan ta pensa riba e diferente formanan di coalicion. Durante e debate ayera den Tweede Kamer, a papia riba un tipo di gabinete extra parlamentario, of un gabinete minoritario tolera. Pero varios lider politico a informa cu nan no sa exactamente kico kier men cu esey. Putters ta bin di e banda di partido PvdA, y tabata sorprendi cu e nombracion di dje. Aunke di e partido PvdA, e la sigura cu e ultimo 13 aña e tabata den funcionan solamente cu tabata riba politica, pues completamente independiente. E informador lo mester entrega mas tarda 11 di maart un relato. Si e por haci esaki mas liher, e lo hacie tambe, e la bisa. 

  • Plasterk: Tin suficiente acuerdo pa un gabinete PVV, VVD, NSC y BBB

    Plasterk: Tin suficiente acuerdo pa un gabinete PVV, VVD, NSC y BBB

    DEN HAAG – Tin sufuciente acuerdo entre partidonan Hulandes  PVV, VVD, NSC yBBB pa forma un gabinete entre nan. Asina informador Plasterk a bisa na presidente di Tweede Kamer Bosma dialuna mainta. E no por bisa si, si esaki ta bira un gabinete mayoritario of minoritario. Mirando cu e partido NSC a bula afo di e combersacionan, Plasterk no por bisa si e gabinete ta bira uno derechista pero no ta exclui cu esaki por logra si. Ta recomenda pa e 4 partidonan aki sigui papia, bou di un informador nobo. 

  • Van Huffelen na Tweede Kamer: Combersacionan riba RAFt ta bayendo dificil

       Van Huffelen na Tweede Kamer: Combersacionan riba RAFt ta bayendo dificil

    ORANJESTAD – Combersacionan cu Aruba riba e tema di RAFT ta bayendo hopi dificil (heel stroef, ta e palabra cu e secretario di estado Hulandes Alexandra van Huffelen a usa na Hulandes:red). Asina e mandatario a bisa den e debate cu a tuma lugar diahuebs atardi ora di Hulanda. E debate tabata cu e miembronan nobo di Tweede Kamer cu a keda eligi na November aña pasa. E mandatario a recorda e miembronan nobo cu e ta siguiendo e mocion di e miembronan anterior cu a exigi condicionan pa cu Aruba pa cu e pago di debe di Covid. Algo cu segun e mandatario, gobierno Hulandes a sostene. 

  • Comision di Eerste Kamer di Hulanda ta bishita Aruba

    Comision di Eerste Kamer di Hulanda ta bishita Aruba

    DEN HAAG – Entre 9 y 16 di februari 2024, esta cuminsando awe,  un comision di Eerste Kamer di Hulanda ta bishita e parti Caribe di Rein Hulandes incluyendo Aruba. Esaki ta nan prome bishita desde a keda eligi un aña pasa. E intencion ta pa conoce e 6 islanan, y reuni cu gobernantenan pero tambe docentenan, representantenan di varios religion y husticia. Na Aruba p.e. lo reuni y topa cu e departamento di Guarda Nos Costa, y papia cu miembronan di varios religion. Como lider di e comision ta bin Paul Rosenmöller y senadornan Panman (BBB), Recourt (GroenLinks-PvdA), Vogels (VVD), Rietkerk (CDA), Dittrich (D66), Van Hattem (PVV), Van Apeldoorn (SP), Holterhues (ChristenUnie), Nicolaï (PvdD), Van Bijsterveld (JA21), Schalk (SGP), Hartog (Volt), Van Rooijen (50PLUS) y Van der Goot (OPNL). Potret cortesia Curacao.nu

  • Van Huffelen tristo cu no ta discuti riba deficit democratico

    Van Huffelen tristo cu no ta discuti riba deficit democratico

    WILLEMSTAD. - Sekretario di estado, Alexandra van Huffelen ta lamentá inmensamente ku no tin desaroyo riba e diskushon di défisit demokrátiko den Reino. Apesar ku a para e konferensia ku tabatin e tópiko aki riba agènda, e ta primintí di lo sigui trese e défisit demokrátiko dilanti den su deliberashon ku e otro paisnan den Reino.

  • Powered by SETAR