Bogaerts y Profar: ” Ta hopi comfortable hunga cu otro y sa cu nos tin hopi amigo den nos team”

TAICHUNG – E loke cu e peloteronan di e seleccion di Hulanda, cu ta consisti gran parti di yuinan di Corsou y di Aruba ta goza na Taipei, Taiwan, ta cu nan ta manera un famia. “ "E ta dushi. Pero mi ta hopi cansa aworaki. Hopi cansa. Solo ta cayente” Xander Bogaerts a declara den entrevista despues di a gana e seleccion di Panama diahuebs. “Pero e adrenalina ta, e ta pone bo sigui”. Colega Jurickson Profar den e wega ey a duna su ekipo mas espacio pa hala rosea cu un otro homerun den di 5 inning. “Pa mi, mi no tabatin un hit den e prome wega” Profar a bisa. “Pues awe mi a djis purba slow down y slow down na e monticulo, y mi a pone un bon swing (riba e bala)”. 

Tanto Profar como Bogaerts a papia tambe riba e sentido di union cu e partido aki tin. Cu nan ta un famia y cu nan ta sinti manera ruman. “Nos a hunga contra guynan di Corsou, guynan di Hualnda desde cu nos tabata chikito” Bogaerts a bisa. “Awor nos ta hunga cu nan. Algun ainda nos ta hunga contra.  E ta hopi comfortable hunga cu otro y sa cu nos tin hopi amigo den nos team”. Y e sosten familiar ta extende full rond di mundo. “Nos tin famia aki, y casi henter e isla (di Corsou) ta sostene nos tambe” Profar a bisa. “Aruba, Hulanda, tur caminda”. 

SIGUIENTE WEGA

E siguiente wega di Hulanda ta contra Taipei Chines diasabra mainta 7’or ora di Aruba).