Hulanda ta gana Cuba den prome wega World Baseball Classic 2023

TAICHCHUNG – E seleccion di Hulanda diaranson marduga (ora di Aruba) a gana su prome partido di e World Baseball Classic na Taipei contra Cuba cu e score di 4-2. Ta bon pa bisa tambe cu mayoria di e hungadornan ta procedente di Aruba y Corsou y di cual esun principal ta Xander Bogaerts.  Cuba a habri bon cu 3 hende na base cu base por bola, pero Hulanda a caba e prome inning cu un bon double play di Xander Bogaerts y Jonathan Schoop cu a saca Hulanda di un perta. Den di dos inning Yoelkis ta score riba un doblete di Mujica di Cuba. Den bom di tres, Roger Bernadina (Hulanda) ta score riba un single di Didi Gregorius, empatando e wega 1-1. Den di bom di 6 inning, Hulanda ta score 3 biaha, uno di Gregorius, y Schoop y Palacios ta score riba un hit di Chadwick Tromp cu ta haci e wega finalmente 4-2. E di 2 careda di Cuba ta bin den di cabez di 7 inning. E pitcher ganador ta bira Mendez. Hulanda ta bolbe hunga awe, mesun ora contra Panama. Hulanda tabatin 4 careda, 7 hit 0 error, Cuba tabatin 2 careda, 3 hit y 0 error. Potretnan cortesia DirectTV.