Pareha mericano cu stima Aruba ta comparti noticia di embaraso

ORANJESTAD – Dough Price cu su casa no por a contene nan emocion ora cu nan a comparti na otro (y pa resto di mundo via YOUTUBE) , cu despues di a purba 5 aña, porfin nan ta bira mayornan di un baby. Cu un number di auto di Aruba den nan man, -data for di aña 2005- , e  pareha a conta cu nan stima Aruba. Nan ta usa e palabra 'dushi'  y ta comparti cu nan kier bay bek pa celebra nan di 10 aniversario di matrimonio. Ta durante e ‘anuncio’ aki, cu e muher ta conta su casa cu e ta na estado, despues di cual e homber tambe no por contene su emocion. Esaki pasobra pa e homber, (y pa resto di mundo) e ta haya e sorpresa agradabel aki, y simplemente no por kere su orea.  

PROPAGANDA

E noticia cu e pareha a comparti ta asina personal y inicialmente tristo, mirando cu e dama pa motibo di infertilidad, pa hopi aña no por a sali na estado. Y  awor si nan a logra. Y e propaganda pa nos isla ta mas grandi aun ora cu nan comparti pa mundo, (via YOUTUBE) cu nan kier celebra e hecho aki biahando pa Aruba atrobe, unda cu nan a pasa nan luna de miel na Aruba 10 aña pasa. E video mientrastanto a wordo mira mas di 100.000 biaha caba, cu sigur ta un propaganda ora cu nan menciona Aruba. Y pa completa e obra, nan ta mustra e number di auto (e aña ey tambe e tabata blauw), pa indica cu nan a keda cu e recuerdo aki pa 10 aña largo. Momentonan sigur cu ta pone cada arubiano sinti orguyoso di por laga turistanan sinti nan mes asina contento cu nos isla. Mira e video di e anuncio aki.