- Aruba a ricibi su prome buelo di British Airways diadomingo
- Conocido comediante y artista Eligio Melfor a bay sosega
- Awe nochi ta bo chens di gana 650 mil florin cu Lotto 5
- SETAR ta sponsor di Soul Beach Music Festival 2023
- Ex tesorera di fundacion di partido POR sentencia na 120 ora di trabou comunitario
Polis a detene varios hende pa sexting, blackmailing y labamento di placa
ORANJESTAD - Despues di un investigacion di varios luna, dirigi riba 'afpersing' (blackmail) y participacion den un organisacion criminal. Recherche di Santa Cruz den colaboracion cu Fiscal di Ministerio Publico y Huez Commisario, bureau Financiele Onderzoeken di KPA (BFO) y Digitale Recherche di KPA a realisa dia 2 y 3 di maart 2023, 4 detencion y a haci entrada hudicial na 4 adres.
E persona nan deteni ta:
Un hende muher di inicial A.M.T.M. naci na Republica Dominicana, un hende homber di inicial D.J.L.K. naci na Aruba
E di dos hende muher di inicial Z.A.R.A. naci na Venezuela y e di dos hende homber di inicial A.R.G. naci na Aruba.
E grupo aki supuestamente tabata aserca victimanan cu insinuacionnan di gusta hende pa despues pidi video of portret di parti intimo di e victimanan.
Unavez cu nan a graba e victimanan 'den accion', nan ta menasa e victima nan di publica e grabacion riba social media si nan no paga.
Un cantidad relativamente grandi di victima a wordo identifica y miles di florin a wordo paga pa evita ku video of portretnan bergonzoso wordo publica riba social media.
Durante e ultimo entrada hudicial e bin encontra tambe un cantidad basta grandi di placa na effectivo y akinan a detene un otro homber di inicialnan D.E.S.M. naci na Venezuela pa labamento di plaka.
E investigacion ta continua y no por descarta cu mas detencion lo tuma lugar. KPA y OM ta pidi communidad pa no cay den e weganan aki di tentacion cu por conduci na 'sexting', pasobra bo tambe por bira victima. Evita berguenza y perdida di placa y no cay den e trampanan aki.
Warda Costa y KPA a intercepta boto cu 5 indocumenta drentando Aruba
ORANJESTAD - Ayera den oranan di anochi Kustwacht y KPA ta detecta un boto drentando awanan territorial di Aruba. Den cuadro di bon cooperacion y cu bon coordinacion KPA y Kustwacht a logra intercepta un boto cu tawata tin for di direccion di Venezuela cu intencion pa drenta Aruba. Pa a logra stop e boto personal di Wardacosta mester a los algun tiro di advertencia. Abordo di e boto tawata tin 5 hende homber di nacionalidad Venezolano.
KPA: Homber cu a ricibi maltrato severo na San Nicolas na januari, a fayece
MACUARIMA - Awe madruga drenta informacion for di hospital cu e homber Michael R.V. Kock (49) cu a ricibi maltrato severo na San Nicolas na januari, a fayece. Ta trata di e caso di dia 22 januari 2023 unda cu Kock a bira victima den Sint Maartenstraat na San Nicolaas. Na e occasion ey, manera ya relata, Kock a wordo severamente maltrata dor di dos homber.
KPA: Dos persona deteni pa traficacion di hende
Sub Inspector Nadal temporalmente a keda apunta como hefe di Guarda Nos Costa
ORANJESTAD – E conocido subinspector di polis Haydee (Suzy) Nadal a confirma awe mainta na noticiacla.com cu pa un periodo temporal, cuminsando awor na Maart, e ta bira e proximo hefe di Warda Nos Costa. Cu esaki e ta reemplaza Richard Kramers cu a tene e funcion aki. A pone Kramers un banda, cu mientrastanto a inicia un serie di caso contra gobierno relaciona cu su situacion laboral eynan. A acuse di no ta integro mas pa e funcion debi na dos caso cu lo a sosode. E la bringa algun caso caba y gana esaki, pero ta falta un caso mas cu tin cu determina si enberdad Kramers ta integro of no. Na 2020 Kramers a tuma e funcion despues cu Trudy Hassell a entrega su retiro di e funcion ey, cu e la tene for di 2018. No ta conoci te ki tempo sra Nadal, cu actualmente ta dunando les na Scol di Polis, lo ocupa e funcion aki. E por a bisa solamente cu ta ‘temporal’.
Cuater militar Hulandes tin cu responsabilisa nan mes awe pa vandalismo riba cabay blauw
ORANJESTAD – Un total di 4 militar Hulandes mester responsabilisa nan mes pa vandalismo cometi na Aruba durante nan bishita. “Mi por confirma cu ta trata di 4 militar cu no ta station ana Aruba y/of Savaneta (Kamp) y cu nan lo wordo scucha awe pa Marechausee” Comandante Tim van Wijk a confirma dialuna na Noticiacla.com. Mas informacion no por a suministra y a dirigi pa vocero di departamento di defensa.
Cuerpo Policial Aruba a despedi di ex hefe interino districto San Nicolas
MACUARIMA - Cuerpo Policial Aruba a despedi di ex hefe interino districto San Nicolas Andy Young. E la drenta Cuerpo Policial Aruba dor di empuge di su mesun colega Sr. Honory Eights. Desde su entrada e la huramenta riba 31 december 1984. E ultimo klas formando parti di Antiyas Hulandes prome cu Aruba a drenta Status Aparte. For di 1984 su carera policial a inicia y for di e momento aki ela traha na diferente departamento di polis. Su ultimo funcion tabata como hefe interino districto di San Nicolas. Ademas Sr.Young tabata responsabel pa e team di VIP y tambe ta forma parti di Commisie Korpsviering.
Follow NoticiaCla
