AIV: Aruba y Corsou ta keda stacionan intermedio di cocaina di Sur America

WILLEMSTAD/ ORANJESTAD – Aunke nan no ta paisnan di origen ni punto principal di apoyo, Aruba y Corsou ta keda stacionan intermedio di cocaina procedente di Suramerica. Asina e rapport ‘Veiligheid en rechtsorde in het Caribisch gebied van de Adviesraad Internationale Vraagstukken (AIV)’ ta bisa segun Simone van der Zee cu recientemente a publica su ‘Update Regionaal Criminaliteitsbeeld:  Trends in de Dutch Caribbean di   pa 2022-2023, publica den 2021. Den e rapport ey, van der Zee ta referi na e rapport di AIV tambe. E rapport principal di van der Zee, ta traha riba orden di Recherche Samenwerkingsteam (RST),cu noticiacla tin den su poder. E mesun raport cu ta label Aruba y Corsou como stacion intermedio pa cocaina, ta señala tambe si cu e rol di Aruba ta menos grandi cu esun di Corsou. “E captura di droga den awa territorial di Aruba ta sosode pero ta mas bien botonan cu ta pasa Aruba riba ruta pa sea Merca of Europa. Y tur cos ta mustra cu e menasa di criminalidad transnacional pa e parti Caribense di Reino Hulandes no a bira menos durante pandemia” e rapport ta sigui bisa. “E paisnan y islanan ta keda atractivo, sigur pa netwerk criminal cu ta tene nan mes ocupa cu transporte di cocaina”. 

ASESINATONAN

Mientrastanto, van der Zee ta raporta cu e panorama pa e paisnan den Caribe no ta hopi cla pa loke ta violencia. “Si mester usa e cantidad di asesinato como un forma di midi esaki, Corsou y St Maarten ta mustra bon (2021). Segun van der Zee, Corsou a conoce un caida considerable na 2021 (7 na december) compara cu 13 na 2020, unda gran parti ta soluciona. “Anteriormente tabata casi semper 20 of mas asesinato. St Maarten mescos. Pero Aruba den prome parti di 2021 a conoce un aumento unda cu e prome mitar di e aña tabatin 6 asesinato caba. Nota: E potre ta pa ilustracion solamente y ta di archivo di noticiacla di un captura di warda costa anteriormente y no relaciona cu e raportahe aki.