Gobernador Refunjol a sali pa Hulanda diamars merdia

ORANJESTAD – Gobernador di Aruba Freddis Refunjol a biaha diamars merdia pa Hulanda pa reuni cu Conseho di Minister di Reino riba e impasse cu a surgi relaciona cu e implementacion di e investigacion di e presupuesto 2014. Gobernador ta sinti cu e situacion y consecuencia ta asina serio cu e ta di opinion cu tur cos mester wordo haci pa saca Aruba for di e impasse, sin cu e ta viola ningun ley. Durante su combersacionnan na Hulanda, gobernador lo transmiti e reaccion di gobierno di Aruba riba e ‘tussen rapport’ y sigui trata pa yega na un accion cu ta funciona, cu e meta final pa normalisa e situacion na Aruba y pa mehora tambe e situacion financiero di Aruba den un forma duradero.

Como respet total pa e hecho cu diaranson ta un dia nacional di luto na Hulanda, ta e speransa cu den e dianan despues, e combersacionnan aki lo tuma lugar.

Segun e relato, ta sigui menciona e trayectoria cu a sigui, esta cu dia 11 di juli ultimo, gobernador a ricibi un aanwijzing pa wanta e presupuesto di wordo firma, y cuminsa un investigacion. E investigacion lo keda cla fin di augustus. (Lesa e relato oficial completo di gobernador aki na hulandes)