Conocido yiu di tera ta co-productor ehecutivo di pelicula ‘Missing’, actualmente den cinema na Aruba

LOS ANGELES / ORANJESTAD – Un di peliculanan cu ta hungando e.o. den The Movies na Aruba esta ‘Missing’, tin un conotacion special, mirando cu e ta co-produci pa e yiu di tera Jo Henriquez. Jo ta un di e tres productornan ehecutivo di e pelicula aki, y ta hayando hopi bon comentario. Esaki no ta e prome biaha cu Henriquez ta den lus pa su trabou ya cu algun aña atras ora cu otro pelicula cu e tabata parti di dje, He matado a mi marido, tambe a estrena na Aruba na 2018. E tempo ey tabata e conocido actriz Venezolana Maria Conchita Alonso tabata e protagonista y a bin Aruba special pa esaki. Aworaki ta trata di un pelicula di accion, cu ta trata di un yiu cu ta descuida di su mama cu despues ta resulta desapareci na Colombia. Y asina e intentonan ta cuminsa di e yiu cu ta bay purba rescata su mama cu ayudo di otronan. Henriquez a yuda produci varios pelicula grandi caba y su ultimo tresnan tabata fuera di ‘He Matado A Mi Marido, Young. Wild. Free (2023) y mucho mas. Den pasado e la haya no menos cu 6 premio cinematografico di cual 2 ta nominacion y otronan e prome premio. Su prome premio e la gana na 2012. Mientras cu Jo mes ta percurando pa su fama personal, ta bon pa sa cu e ta yiu di conocido comerciante Raoul Henriquez (dfm) y Landa Henriquez (comerciante y cantante). E pelicula mes a cuminsa hunga diahuebs siman pasa na Aruba den The Movies y lo sigui hunga por lo pronto