Airbus di KLM pega na St Maarten desde diadomingo pa wiel di nanishi defecto

PHILLIPSBURG – Un avion Airbus A330 di KLM ta pega na St Maarten despues cu dos biaha e la keda pega riba e pista. Tanto na yegada como salida no por a move e tren di aterisahe (e wiel dilanti) y mester a touw e avion. E di dos biaha, e avion a blokea e pista 2 ora largo pa cual e pasaheronan mester a wordo saca di e avion eynan mes y transporta cu bus pa e terminal. Despues di sigui purba, oficialmente a cancela e buelo di regreso, y mester a busca hospedahe pa e pasaheronan abordo.  E problemanan cu e avion por a wordo sigui live via un webcam di aeropuerto y tambe e combersacionan entre piloto y e toren di control. 

UN DIA PROME

Un dia prome tambe tabatin un problema cu yegada di un otro avion Airbus. E avion lo a haci un aterisahe hopi duro, y ora di bira riba e pista, e nanishi a pega. A dura mei ora prome cu por a move e avion di e fin di e pista te na terminal.