Aruba ta figura riba lista di top 10 hotel luhoso cu Mericano ta busca e temporada aki

MIAMI – Un biaha mas un di Aruba su hotelnan renombra ta figura den e top 10 di resortnan Caribense cu Mericanonan kier y ta pidi pa nan proximo vacacion den e temporada di primavera. Esaki segun e portal di biahe the travel.com. Riba e top 10,  Aruba ta ubica na posicion # 5, cu sigur ta un posicion bunita. E ta figura despues di Bahamas y prome cu Turks & Caicos. E articulo ta splica cu e lista ta nombra resortnan di nivel halto y varios di e otro posicionan tambe ta cualifica nombernan halto manera otro Ritz Carlton y mas hotel de luho. Ta sigui un descripcion di e hotel y su facilidad cu e ta ofrece.