Venezuela ta preparando pa reactiva operacion aereo cu Corsou pa april

CARACAS – Venezuela ta preparando pa reactiva operacionnan aereo cu Corsou, y despues cu Aruba y Bonaire. Asina e presidente di e  Instituto Nacional de Aeronáutica Civil, (INAC) Juan Manuel Teixeira Díaz a bisa diahuebs. E la anuncia cu oficialmente entrante 3 di April proximo  Venezuela ta cuminsa buelonan comercial cu Corsou. “Y progresivamente cu Aruba y Boneiro”, e la sigui bisa. Boneiro mientrastanto a anuncia diahuebs cu nan ta habri frontera cu Venezuela dia 3 di April, pero solamente maritimo. Aruba ta premira cu pa 1 di mei proximo e ta habri frontera cu Venezuela pero tambe solamente maritimo. No tin fecha pa e reapertura aereo pa e dos islanan ultimo aki. Venezuela su hefe di INAC ta bisa cu e reapertura ta pa cumpli cu instruccion emanda pa ehecutivo nacional. For di 2019 no tin coneccion aereo ni maritimo entre islanan ABC y Venezuela.