Kamp: No kier yama impasse VVD-Pvda un crisis

DEN HAAG – Mientras cu partido di coalicion VVD ta tene cuenta cu e discusion cu partido PvdA riba e asunto di asilo politico por ta fin di e gobierno, tin señalnan cu cos ta moviendo miho. E corant hulandes Volkskrant a raporta awe cu VVD ta preparando su mes pa un eventual kiebra den e gabinete y e consecuencianan. Gobierno di nan banda, ta mustra cu cos no mester yega asina lew y cu tin speransa. Minister Henk Kamp despues di e conseho di minister awe a bisa cu e ta optimista.

OPTIMISTA

Segun Kamp, cu a reemplaza tanto (Mark) Rutte como Ashes pa nan por a dedica na e topico ey, a splica cu e ta optimista cu VVD y PvdA por haya otro riba e asunto di asilo politico. Segun Kamp, e coalicion a logra sali mas biaha for di situacionnan compleho ultimo añanan. Mientrastanto e partidonan ta papiando riba e topico awor, y no ta descarta cu lo continua cu esaki otro siman ainda. Pues no kier papia di un crisis, aunke cu comentarionan ta diferente.

REUNION MARATONICO

Partidonan di coalicion hulandes VVD y PvdA ta continua e reunion di crisis diabierna awor, despues di e reunion di conseho di minister semanal mañan. Mientrastanto diahuebs tabata basta cla cu mas y mas e situacion ta convirtiendo su mes den un asunto di crisis real. 

INICIO DI PROBLEMA

Tabata diaranson cu partidonan di coalicion hulandes VVD y PvdA tabata purba di evita un crisis gubernamental actualmente. E partidonan ta para liña recta dilanti otro riba e topico di asunto di maneho di ilegalnan den e pais. Reunionan te laat di anochi y marduga a y ta tumando lugar den e centro di gobernacion. Ambos ta admiti cu nan tin diferencia pero no kier bay asina leu pa yama e asunto un crisis gubernamental.

ORIGEN DI PROBLEMA

E origen di e problema ta e veredicto di e comite di minister di organisacion di derecho humano Europeo na Straatsburg. Partidonan no ta di acuerdo cu e forma con un ta mira e otro den e asunto aki. Den curso di diahuebs mester bin mas claridad riba e asunto aki, y cu si enberdad por papia di un crisis