Motor di pickup a pega candela den De La Salle Straat awe mainta

ORANJESTAD – Diahuebs mainta tempran algo prome cu 8’or y mei den de La Salle Straat na altura di Sividivi Restaurant, motor di un pickup  a pega candela, causando panico pa e chauffeur y tambe esnan cu tabata den cercania.  Esaki pa miedo cu e pickup lo a rementa. E chauffeur mes a purba paga e candela cu un fire extinguisher pero no tabata logra. Ta bomberonan cu a yega mesora mes mester a paga e candela, mientras cu e chauffeur tabata splica polisnan di e suseso. Polis mester a cera e caya parcialmente pa bomberonan por a haci nan trabou. No ta conoci kico a pone cu e motor a pega candela. Na final por a mira e motor completamente destrui.