Temporada di Cuaresma a inicia awe cu diaranson di shinishi

ORANJESTAD – E religion catolico ta drenta e temporada di Cuaresma awe diaranson di shinishi, cu ta dura tradicionalmente 40 dia, excluyendo e diadomingonan. Catoliconan devoto ta bay misa pa ricibi un marca di cruz riba nan frenta pa establece e comienso di e periodo. E ta Termina riba dia di Pasco Grandi. Antes bo no por a come durante dia, y ta solamente ora cu anochi cay, bo por a come algo chikito. Aruba ta reconoce e temporada aki tambe durante cual ta custumber di hopi pa abstene di vicionan cu nan tin, manera bebe, of huma of algo otro cu nan ta considera un vicio.