Mericanonan den parti Norte tin Aruba den top 3 como destinacion vacacional

YOUNGSTOWN – Expertonan di areanan Norte di Merca, den e caso particular na estado di Ohio, tin Aruba halto riba e lista di biahero den temporada di invierno. Segun un portal di noticia di e estado 21WFMJ, a conoce un aumento di 68% di personanan biahando mas compara cu aña pasa,. Y nan ta busca destinacionan mas ‘calor’, sigur na Mahoning Valley. Destinacionan manera Florida, Las Vegas y Aruba ta e top tres destinacionan cu nan ta busca pa biaha pa scapa di e frieu di invierno.  E atencion ta asina grandi cu esaki a bira un raportahe noticioso di e afiliado di e cadena NBC, 21WFMJ. Asina Aruba un biaha mas ta den luz positivo pa cu turismo.