Garage Cordia ta enfoca riba su autonan "Hybrid"

ORANJESTAD - Ta importante pa no solamente bisa cu ta aporta na medio ambiente, sino tambe pa pone e vision y pensamento den ehecucion. Awor cu ta luna di celebracion di Mama Tera, Garage Cordia ta cende lus riba su modelonan di auto Hybrid. A reduci e prijsnan den forma significativo, riba modelonan Prius III, Prius C y Camry. No solamente e autonan tin miho prijs, pero e gastonan di mantencion ta menos, number di auto ta mas barata y riba dje, ta gasta como un tercera parti di locual ta gasta normal na gasolin.

E modelonan hybrid ta combina eficiente den menos uzo di combustibel tradicional cu uzo di energia cu e auto mes ta procesa. Claro cu doñonan di autonan Hybrid ta stuur cu un sonrisa riba nan cara pasobra casi nan no mester yena gasolin mes, si compara cu antes! Automobilistanan cu tin un Toyota Prius ta comenta cu nan ta gasta entre Afl. 60 pa Afl. 80 pa luna na gasolin. E oferta aki ta sigui valido te cu fin di luna di Mei 2015, relaciona cu Earth Day. Cu esaki chauffeurnan ta aporta mas na nos medio ambiente y por gosa di mas eficiencia y spaar riba gasolin.