Adopcion di un cacho crioyo na Aruba pa famia Mericano a bira noticia regional na Kentucky

JESSAMINE COUNTY – E adopcion di un cacho crioyo di Aruba pa Merca ta algo hopi comun. Sinembargo, e biaha aki, e forma con esaki a sosode, y mas importante e forma y impacto cu esaki tabatin riba e doño nobo, a bira noticia na Merca. Tabata na December ultimo cu famia Lynn y Tom Braker y nan yiu Anderson a bishita Aruba di vacacion, y a bin topa un cacho crioyo di caya, cu a bira parti di nan famia. E cacho a cuminsa bin nan cas cu nan tabata huur, y e efecto cu e tabatin riba e yiu cu tin Down Syndrome y ta autista, ta loke a captiva e famia. A dicidi pa busca mas leu si e cacho tabatin doño, y despues a sigui e proceso pa adopta esaki y hibe Merca. E impacto tabata tremendo segun e mama, Lynn unda cu e mucha di 10 aña (Anderson) a manera haya un bida di nobo, bira activo y cuminsa comunica miho. E problema di cacho di caya ta serio na Aruba y adopcion door di p.e. turista ta un di e poco forma pa soluciona esaki, pero lamentablemente e problema ta sigui serio. Den e caso aki, e caso aki a haya atencion di un canal di television Mericano cu a converti esaki den un noticia regional, dunando Aruba e popularidad necesario den un bista positivo. Pa e storia completo, click AKI