Lo fiha fecha concreto pronto pa reapertura gradual di frontera maritimo cu Venezuela

WILLEMSTAD – Gobiernonan di islanan ABC lo fiha pronto un fecha conkreto pa reapertura gradual di e frontera marítimo cu Venezuela. E di tres reunion tecnico pa cu reapertura di fontera entre e paisnan den Reino i Venezuela a tuma luga dia 31 di januari 2023 na Corsou, esta ayera. Aruba tabata representa tambe pa e.o. sr Ricky Croes, hefe di Douane di Aruba, Andrew Ho di imigracion di Aruba, Edwin Kelly director di Directie Luchtvaart di Aruba y tambe tabatin personal di DBB (Directie Buitenlandse Betrekking). 

Di acuerdo cu e declarashon mutuo cu previamente a keda acorda dia 13 di december 2022, e consultanan a concentra riba e reapertura gradual di e frontera marítimo i aereo.

Durante di e reunion tabatin oportunidat pa kada un di e paisnan presentá nan punto i proposishonnan.

A diskutí ampliamente riba reanudashon di e barconan di fruta, berdura i pesca for di Venezuela pa Aruba, Boneiro y Corsou caminda entre otro a papia di intercambio di informashon di certifikado i condishonnan pa entrada di tripulantenan di e barconan.

Alabes a discuti tambe tokante un tratado di Douane entre e paisnan di Reino i Venezuela.

Den e proximo periodo lo sigui traha riba e puntonan tecnico pa yega na un apertura sigur i gradual di e frontera. Lo bai sigui traha hunto tambe pa yega na un reapertura gradual aereo.

E reunion a cana den un bon esfera.